«Հայոց Ազգային Բանակը պետք է դառնա գիշատիչների բանակ»․ Խաչիկ Ասրյան

Հայկական բարձրավանդակում՝ ցեղասպան Թուրքիայի և հայատյաց Ադրբեջանի հարևանությամբ, Հայոց ազգային բանակը պետք է դառնա գիշատիչների բանակ՝ հզոր, մարտունակ և վճռական։

Հայաստանի շուրջ ձևավորված վտանգավոր աշխարհաքաղաքական միջավայրում Հայոց բանակը չի կարող սահմանափակվել միայն պաշտպանվելու կարողությամբ։ Այն պետք է ունենա նաև ռազմավարական նախաձեռնությունը ստանձնելու, հակառակորդին զսպելու և անհրաժեշտության դեպքում սեփական կամքը պարտադրելու վճռորոշ ուժ ու ռազմական գերազանցություն։

Հայաստանի անվտանգությունը պետք է հիմնված լինի սեփական ուժի, ռազմավարական մտածողության և հզոր, մարտունակ ու վճռական բանակի վրա։

«Գիշատիչ» բնորոշումն այստեղ դաժանության կամ ագրեսիայի խորհրդանիշ չէ։ Այն հզորության, մարտունակության, վճռականության, ռազմավարական գերազանցության և անկոտրում մարտական ոգու խորհրդանիշ է։ Խոսքը մի բանակի մասին է, որի հեղինակությունն ու կարողություններն այնքան ազդեցիկ կլինեն, որ ցանկացած հակառակորդ ստիպված կլինի հաշվի նստել Հայաստանի և նրա զինված ուժերի հետ։

Հզոր բանակը պարտադիր չէ, որ պատերազմ փնտրի։ Ընդհակառակը՝ այն պետք է այնքան մարտունակ լինի, որ հակառակորդի համար պատերազմը դառնա անընդունելի ռիսկ, իսկ Հայաստանի հետ խաղաղությունը՝ ռազմավարական անհրաժեշտություն։

Այս նպատակին հասնելու համար անհրաժեշտ են ռազմավարական մտածողություն, բարձրակարգ հրամանատարություն, ժամանակակից սպառազինություն, տեխնոլոգիական առավելություն, բարձր մարտական պատրաստվածություն, երկաթյա կարգապահություն և զինվորի անկոտրում ոգի։ Միայն այս գործոնների համադրությամբ է հնարավոր ձևավորել իրական ռազմական հզորություն և ստեղծել իսկական գիշատիչների բանակ։

Ես խոսում եմ ոչ միայն բանակի մասին։ Ես խոսում եմ Հայոց պետության անվտանգության, ինքնիշխանության և հզորության մասին։ Խոսում եմ այն ռազմավարական մտածողության մասին, որի հիմքում պետք է լինի պետական կամքի, ռազմական հզորության և ռազմավարական նախաձեռնության անքակտելի միասնությունը։ Հայաստանը պետք է դառնա այնպիսի ռազմական ուժի տեր պետություն, որի հետ հաշվի նստելը հակառակորդի համար ոչ թե ընտրություն է, այլ ռազմավարական անհրաժեշտություն։

Մեր տարածաշրջանում խաղաղությունը պետք է երաշխավորվի ոչ թե հակառակորդի բարի կամքով, այլ հզոր հայկական պետության իրական ուժով։

Ինքնիշխան, հզոր և անվտանգ Հայաստան՝ ահա Հայաստանի Հանրապետության հարատևության հիմքը։

Ինքնիշխանությունը՝ որպես հիմք, հզորությունը՝ որպես կարողություն, անվտանգությունը՝ որպես պետական նպատակ։

ԽԱՉԻԿ ԱՍՐՅԱՆ

«Հայոց Արծիվներ. Միասնական Հայաստան» կուսակցության հիմնադիր Նախագահ,

«Սյունյաց Արծիվներ» և «Հայոց Արծիվներ» հայրենասիրական հասարակական կազմակերպությունների հիմնադիր Նախագահ,

«Հայոց Արծիվներ» կամավորական մարտական ջոկատի հիմնադիր Հրամանատար,

44-օրյա, Ապրիլյան և Արցախյան պատերազմների կամավոր մասնակից,

«Մարտական Խաչ» 1-ին աստիճանի շքանշանակիր,

Պահեստազորի Գնդապետ,

2007–2018 թվականներին՝ ՀՀ Սպորտի և Երիտասարդության հարցերի փոխնախարար աշխատած։